Xəbər Lenti
29-04-2024, 14:44
Bu gün dünyanın aparıcı dövlətləri və təşkilatları Azərbaycanı Cənubi Qafqazın təhlükəsizlik qarantı adlandırırlar
29-04-2024, 11:33
Azərbaycançılıq idealogiyasının yaradıcısı və banisi Ulu Öndər Heydər Əliyev Azərbaycanda güc strukturunu yaratmışdır -Könül Nəbizadə
29-04-2024, 07:50
Ermənistanın Azərbaycana hərbi təcavüzü nəticəsində itkin düşən vətəndaşlarımızın yeni sayı açıqlanıb
28-04-2024, 12:05
Mikayıl Cabbarov Səudiyyə Ərəbistanında keçirilən Dünya İqtisadi Forumunda iştirak edəcək
28-04-2024, 09:35
Ermənistanın silahlandırılmasındakı əsas məqsəd: Bu dəfə baş rolda Vaşinqtondur - TƏHLİL
Mollacəlilli kəndinin su ilə imtahanı
Göygöl rayonu Mollacəlilli kəndi günlərdir, susuzluqan əziyyət çəkir.
Kənd sakinləri deyirlər ki, artıq beş gündür, suyun verilişi rayon Sukanal Sahəsi tərəfindən borcların ödənilməməsi əsas gətirilərək kütləvi şəkildə dayandırılıb. İndi nə içməyə və məişətdə işlətməyə su var, nə də heyvanlara verməyə.
Sakinlərin bir qismi ümumiyyətlə suya görə borcunun olmadığını və ödəniş çeklərini saxladığını deyir. Bəziləri isə borclu olduqlarını qəbul edir, ödəməkdə çətinlik çəkdiklərini və ya hissə-hissə ödəyə biləcəklərini bildirirlər. Sakinlər həmçinin suya qanunsuz qoşularaq istifadə edənlərin olduğunu da iddia edirlər.
Məsələ ilə bağlı “Azərsu” ASC-nin mətbuat xidmətindən bildirilib ki, Göygöl Rayon Sukanal Sahəsi borcların ödənilməsi çağırışlarına abonentlər tərəfindən cavab verilmədiyi üçün məcburi qaydada su təminatını dayandırıb. Amma borcu olmayan abonentlərə maşınlar vasitəsilə suyun verilməsi təmin olunur.
Qeyd edək ki, qurumun regional idarəsindən suya qanunsuz qoşulmalar iddiasına da münasibət bildirilib. Qeyd olunub ki, bu cür halların aşkar olunması və qanunamüvafiq tədbir görülməsi üçün vaxtaşırı reydlər keçirilir.