Menu
Xəbər Lenti
10 Ara 15:41Cəmiyyət

ƏƏSMN-in e-xidmətlərinə 11 ayda 9,5 milyon müraciət qeydə alınıb

Əmək və Əhalinin Sosial Müdafiəsi Nazirliyinin fəaliyyət sahələri üzrə əhaliyə təqdim olunan elektron xidmətlərə bu ilin 11 ayında 9,5 milyon müraciət qeydə alınıb.

Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, həmin dövrdə e-təyinatlar davam edib. 219 min pensiya, müavinət, təqaüd təyinatı e-infrastruktur üzərindən, proaktiv qaydada həyata keçirilib, həmçinin e-qaydada 195 min fərdi şəxsi hesab açılıb.

1997-ci il avqustun 2-dək hərbi xidmətdə olarkən aldığı xəsarət nəticəsində əlilliyi müəyyən edilmiş şəxslər və onlardan vəfat edənlərin vərəsələrinə birdəfəlik ödəmələrin təyinatı e-sistem üzərindən aparılır. Bu istiqamətdə proaktiv qaydada 17,5 min təyinat həyata keçirilib.

Hazırda nazirliyin e-sistemlərinin 31 qurumun informasiya bazaları ilə inteqrasiyası həyata keçirilir.

Həmin qurumlar tərəfindən 11 ayda nazirliyin informasiya bazalarına edilən sorğu sayı 190 milyon, servislər üzərindən mübadilə sayı isə 13,9 milyon olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin