Xəbər Lenti
YOLUMUZ BÖYÜK TURANADIR
21-05-2022, 10:36

YOLUMUZ BÖYÜK TURANADIR

07 mar 18:51Gündəm / Mədəniyyət / Sosial

8 MART BEYNƏLXALQ QADINLAR GÜNÜ

Qadın - vəsfi cild-cild kitablara sığmayan şeiriyyət, heyrət, ülviyyət, şəfqət, məhəbbət, məlahət, mərhəmət, həlimət,  fəzilət, qüdrət, ismət,  vəfadar,  dilbər, yar, ömürdaş, yoldaş, sirdaş, sona,  ana, qayınana, nənə, bacı,  baş tacı, qız, gəlin, bibi, xala, dan yeri, şəfəq,  gözəllik, zəriflik, incəlik,  sevgi... işıqdır. Ruhumuzun, könül dünyamızın üfüqlərini öz şəfəqləri ilə nura boyayan qadın işığında gününüzü qutlayır və qadın gözəlliyi, özəlliyi ilə süslənmiş  söz çələngimi sizə ərməğan edirəm. 

Qadın - sona, qadın - Ana,
Zərifliyi gücdür ona.
Gözəlliklə, özəlliklə
Sevgi biçilib boyuna.

O, şəfəqdir, o, şəfqətdir,
Məramı nur, mərhəmətdir. 
Ruhumuza, könlümüzə 
İşıq saçan məhəbbətdir. 

Yarımız, baş tacımızdır,
Qız, gəlnimiz, bacımızdır,
Hər vaxt bizə  həyan olan 
Nənə, xala, bibimizdir. 

Ana sözü - əzəllə tən, -
Adı dilim,  adı Vətən.
Ülviyyəti, xilqətiylə                                              
Dünyamıza dünya qatan.

✍️Dərin ehtiram-sayğılarla, Tapdıq ƏLİBƏYLİ