Özbəkistan nümayəndə heyəti 1 saylı DOST Mərkəzində olub

Özbəkistan Elektron Hökumət Layihələrinin İdarəetmə Mərkəzinin direktoru Əziz Muhiddinovun rəhbərlik etdiyi nümayəndə heyəti 1 saylı Bakı DOST Mərkəzində olub.

DOST Agentliyinin İctimaiyyətlə əlaqələr və kommunikasiya departamentindən AZƏRTAC-a verilən məlumata görə, onlara mərkəzin fəaliyyəti, xidmət bölmələri barədə məlumat veriləndən sonra DOST konsepsiyasının ölkəmizdə dövlət sosial xidmətlərinin “bir pəncərə”dən, tam şəffaf, operativ, vətəndaş məmnunluğu prinsipi əsasında göstərilməsinə şərait yaratdığı vurğulanıb.

Keçirilən görüş zamanı Özbəkistan nümayəndə heyətinə DOST Agentliyi haqqında geniş təqdimat nümayiş etdirilib. Təqdimatda DOST konsepsiyasında yeni texnologiyaların tətbiqi, xidmətlərin elektronlaşdırılması, "Könüllü DOST" proqramı, həmçinin agentliyin inkişaf perspektivləri sahəsində məlumatlar öz əksini tapıb.

Sonra Özbəkistan Elektron Hökumət Portalı haqqında təqdimat nümayiş olunub.

Görüşdə qurumlar arasında əməkdaşlıq perspektivləri müzakirə edilib, ikitərəfli maraq doğuran məsələlər ətrafında fikir mübadiləsi aparılıb.



© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin