“Bu, “Hizbullah”ı diz çökdürə bilməz” - Xamenei

 İranın ali dini lideri Ayətullah Əli Xamenei bildirib ki, İsrailin son zərbələri zamanı “Hizbullah” hərəkatının komandanlığı üzvlərinin həlak olması bu qruplaşmanı əhəmiyyətli dərəcədə zəiflətməyəcək.

“Qafqazinfo” xəbər verir ki, bu barədə Yaxın Şərq mətbuatı məlumat yayıb.

“Şübhəsiz ki, “Hizbullah” hərəkatının komandirlərinin ölümü qruplaşmaya ziyan vurub, lakin bu, “Hizbullah”ı diz çökdürə bilməz. Sonda Fələstin və Livan müqaviməti qalib gələcək”, - o deyib.