Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
Şəmkirdə müəlliməni məktəbdən qaçıran dəstə azadlığa buraxıldı

Şəmkirdə orta məktəb müəlliməsini qaçıran dəstə azadlığa buraxılıb.
Oxu.Az-ın məlumatına görə, hadisə rayonun Dəllər qəsəbəsi ərazisində baş verib. Dəllər-Çırdaxan sakini, 1990-cı il təvəllüdlü Bəhruz Ağayev (soyad şərtidir) Dəllər qəsəbə tam orta məktəbinin coğrafiya müəlliməsi N.G-ya evlilik təklifi etsə də, xanım onun təklifini rədd edib və ailə qurmaq istəmədiyini deyib. Bəhruz dəfələrlə N.G-nı yola gətirməyə çalışsa da, mümkün olmayıb. O, müəlliməni qaçıraraq onunla ailə qurmaq qərarına gəlib və bu məqsədlə dostları Vüsal və Anarla görüşərək onlardan kömək istəyib.
Üç dost qızı qaçırmaq qərarı verib. Onlar maşınla məktəbin yaxınlığında dayanaraq N.G-nın dərsdən çıxmasını gözləyiblər. Günorta saatlarında müəllimə dərsdən çıxıb evlərinə getmək istəyərkən Bəhruz idarə etdiyi avtomobili onun qarşısında saxlayaraq, avtomobildən düşüb. O, müəlliməni zorla avtomobilə mindirərək dostundan avtomobili bibisigilə sürməsini xahiş edib.
Onlar qızı həmin ünvana gətirib qadınların onunla danışmasını istəyiblər. Amma danışıqlar fayda verməyib və qız Bəhruzla ailə qurmaqdan imtina edib. Bəhruzun qohumlarının təkidi ilə müəllimə evlərinə buraxılıb.
Faktla bağlı polisə məlumat verilib və Cinayət Məcəlləsinin 144-cü maddəsinə əsasən (Adam oğurluğu) cinayət işi başlanılıb. Bəhruz və dostları isə saxlanılıblar. Hər üç dost barəsində həbs qətimkan tədbiri seçilib.
Gəncə Ağır Cinayətlər Məhkəməsinin hökmü ilə Bəhruza 2 il 9 ay, Arifə 2 il 2 ay, Vüsala isə 1 il 8 ay azadlığın məhdudlaşdırılması cəzası təyin edilib və onlara elektron nəzarət qolbağı tətbiq edilib. Təqsirləndirilən şəxslər məhkəmə zalından azadlığa buraxılıblar.
Samir Əli























































