Şanxayda nadir əməliyyat - Qopmuş başını yerinə bərpa etdilər

Şanxayda həkimlər istehsalat qəzası zamanı ağır zədələnən bir şəxsin həyatını xilas etmək üçün nadir əməliyyat həyata keçirib.

“Qafqazinfo” “Global Times” portalına istinadən xəbər verir ki, sözügedən şəxs iş prosesi zamanı robot mexanizm tərəfindən boynundan güclü zərbə alıb.

Zədə nəticəsində həmin şəxsin boyun fəqərələri ciddi şəkildə qopur və demək olar ki, onun başının bədənindən ayrılması mənasına gələn hal yaranır. Bunun ardınca, kişi işçi iflic olub və ürəyi dayanıb.

Bütün bunlara baxmayaraq, Şanxay xəstəxanalarından birinə çatdırılan şəxsin həyatını xilas etmək mümkün olub. 3 saat davam edən əməliyyat zamanı həkimlər yaranmış hematomanı aradan qaldırıb, ayrılmış fəqərələri bərpa edib və xüsusi fiksator yerləşdiriblər.

Xəstənin vəziyyətinin isə yaxşı olduğu vurğulanıb.