Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
Millət vəkili Məlahət İbrahimqızı seçicilərlə növbəti görüşünü keçirdi

Xezertv.info xəbər verir ki, Azərbaycan Respublikasının Milli Məclisinin deputatı, Yeni Azərbaycan Partiyasının üzvü Məlahət İbrahimqızı hər ay olduğu kimi bu ay da seçicilərlə ənənəvi görüşünü keçirib. Oktyabrın 9-da Yeni Azərbaycan Partiyası Nəsimi rayon təşkilatının inzibati binasında baş tutan qəbulda 21 saylı Nəsimi–Binəqədi seçki dairəsi üzrə yaşayan seçicilər iştirak ediblər.
Görüş zamanı millət vəkili vətəndaşların müxtəlif sahələrə aid müraciətlərini diqqətlə dinləyib, onların problemlərinin aradan qaldırılması istiqamətində müvafiq dəstəyin göstərilməsi üçün zəruri addımlar atıb. Qəbula gələn seçicilər sosial təminat, məşğulluq, mənzil və kommunal xidmətlərlə bağlı məsələləri qaldırıblar. Məlahət İbrahimqızı hər bir müraciəti fərdi qaydada nəzərdən keçirərək, vətəndaşlara hüquqi və praktiki yardımın göstərilməsi üçün aidiyyəti qurumlarla əlaqələndirmələr aparılacağını bildirib.
Millət vəkili görüşdə qeyd edib ki, vətəndaşlarla mütəmadi təmasda olmaq onların sosial problemlərinin daha dərindən öyrənilməsinə və operativ şəkildə həllinə imkan yaradır. O vurğulayıb ki, Prezident İlham Əliyevin rəhbərliyi ilə ölkədə həyata keçirilən islahatların əsas məqsədi vətəndaş məmnunluğunun təmin edilməsidir və bu istiqamətdə Milli Məclis üzvləri üzərlərinə düşən məsuliyyəti layiqincə yerinə yetirirlər.
Seçicilər isə millət vəkilinə diqqət və qayğıya, göstərilən real dəstəyə görə təşəkkürlərini bildiriblər. Onlar qeyd ediblər ki, Məlahət İbrahimqızının seçicilərlə səmimi və daimi əlaqəsi onların etimadını daha da möhkəmləndirir.
Əlaqə telefonu: +99450 255-21-42
E-mail: [email protected] / [email protected] / [email protected].
Fərid Faiqoğlu
Xezertv.info-nun rəhbəri,
AJB-nin üzvü

























































