Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Qarabağ” heç vaxt ispanlara qalib gələ bilməyib - Bu, 7-ci dueldir

Xəbər verdiyimiz kimi, “Qarabağ” bu gün UEFA Çempionlar Liqasının Liqa mərhələsinin 3-cü turunda “Atletik” (Bilbao) klubunun qonağı olacaq.
“Qafqazinfo” xəbər verir ki, bu, Ağdam təmsilçisinin İspaniya komandalarına qarşı keçirəcəyi 7-ci oyun olacaq.
Qurban Qurbanovun rəhbərlik etdiyi komanda bundan əvvəl 6 dəfə prineylilərə qarşı çıxış edib.
“Qarabağ” bu görüşlərin heç birində qələbə qazana bilməyib.
Azərbaycan təmsilçisi ilk dəfə 2017/2018-ci il mövsümündə Çempionlar Liqasının qrup mərhələsində Madrid “Atletiko”suna qarşı iki görüşüb keçirib. Hər iki qarşılaşma heç-heçə bitib – 0:0,1:1.
“Qarabağ”ın ispanlarla növbəti dueli 2019/2020-ci il mövsümünə təsadüf edib. Bu dəfə Avropa Liqasının qrup mərhələsində təmsilçimiz “Sevilya” ilə üz-üzə gəlib və həmin oyunların ikisində də ispanlara məğlub olub– 0:3, 0:2.
Qurban Qurbanovun yetirmələri 2020/2021 mövsümündə Avropa Liqasının qrup mərhələsində “Vilyareal”la qarşılaşıb. Ağdamlılar ilk matçda 1:3 hesabı ilə məğlubiyyətə uğrayıb. İkinci qarşılaşmada isə Azərbaycan klubunun bir neçə futbolçusu koronavirusa yoluxduğu üçün səfərə getməyib. Nəticədə UEFA təmsilçimizə 0:3 hesablı texniki məğlubiyyət verib.
Qeyd edək ki, bu gün “San Mames” stadionunda keçiriləcək “Atletik” – “Qarabağ” oyunu Bakı vaxtı ilə saat 20:45-də start götürəcək.























































