8,5 kiloqramlıq böyrəklə yaşayırmış

Türkiyənin Qaziantep bölgəsində yaşayan 61 yaşlı Mustafa Doğan nadir rast gəlinən tibbi əməliyyatla yenidən həyata dönüb.

“Qafqazinfo” xəbər verir ki, polikistik böyrək xəstəliyi səbəbindən xroniki böyrək çatışmazlığından əziyyət çəkən xəstə, şiddətli ağrı, nəfəs darlığı və qarın nahiyəsində həddindən artıq şişkinlik şikayətləri ilə Nefrologiya Klinikasına müraciət edib.

Aparılan ətraflı müayinələr zamanı məlum olub ki, xəstənin böyrəklərindən biri patoloji dərəcədə böyüyərək inanılmaz çəkiyə — 8,5 kiloqrama çatıb.

Tibbi mütəxəssislərin qərarı ilə təcili cərrahi əməliyyata alınan M.Doğanın daxili orqanlarını sıxan və həyatı təhlükə yaradan nəhəng böyrəyi uğurla xaric edilib.