Azərbaycanda indiyə qədər verilən ipoteka kreditlərinin həcmi açıqlanıb

Azərbaycanda indiyə qədər verilən ipoteka kreditlərinin həcmi açıqlanıb.

Nazirlər Kabinetinin 2021-ci ildə fəaliyyəti haqqında Hesabatda qeyd edilir ki, 31 dekabr 2021-ci il tarixinə İpoteka və Kredit Zəmanət Fondunun vəsaiti hesabına verilən ipoteka kreditlərinin həcmi 2,0 milyard manata yaxın olub, 36,7 mindən çox ailənin ipoteka krediti hesabına mənzil şəraitinin yaxşılaşdırılması təmin edilib.

Hesabat ilində müvəkkil banklar tərəfindən 356,1 milyon manat həcmində 5293 ipoteka krediti verilib ki, bu da Fondun fəaliyyətə başladığı 2006-cı ildən etibarən ən yüksək göstəricidir. 2020-ci ilə nisbətən ipoteka kreditlərində 40 faizə yaxın artım (2020-ci ildə 257,5 milyon manat məbləğində 3783 ipoteka krediti verilib) qeydə alınıb.