Daha bir böyük COVID pandemiyasının vaxtı AÇIQLANDI

Dünyada 2020-2022-ci illərdə baş vermiş pandemiyaya bənzər böyük koronavirus infeksiyasının pandemiyasının yaranması yalnız immunitetə malik nəslin getməsi ilə mümkündür. Rusiya Dövlət Elmi “Vektor” Mərkəzinin molekulyar virusologiya şöbəsinin rəhbəri Valeri Loktyev “Openbio” forumundan kənar müzakirələr zamanı bildirib ki, böyük pandemiyasız dövr təxminən 30 il çəkəcək.
 
Koronavirus infeksiyası ilə mübarizə üzrə federal əməliyyat qərargahı bir gün əvvəl Rusiyada son həftədə COVID-ə yoluxma hallarının 22,3%, xəstəxanaya yerləşdirilənlərin sayının isə 18% artdığını bildirmişdi. Rusiya Federasiyasının 47 regionunda xəstəxanaya yerləşdirilənlərin sayında artım, 74 regionda isə xəstələnmə hallarının artması qeyd edilib.
“Çox güman ki, yeni ciddi koronavirus pandemiyaları immuniteti olan bu nəsil bitdikdən sonra yaranacaq. Yəni böyük pandemiyalar kifayət qədər uzun - onilliklərlə fasilələrlə qeydə alınıb. Lakin burada vəziyyəti ağırlaşdıran bir hal var. İlk koronavirus epidemiyası 2003-cü ildə, növbətisi isə 2020-ci ildə baş verib. Aralarında 17 il var. Amma 2003-cü ildə genişmiqyaslı epidemiya olmadı, ona görə də indi, məncə, sakit 30 illiyimizi yaşayırıq”, - deyə o bildirib.
Loktyev izah edib ki, adətən pandemiyalar arasındakı bu müddət insan ömrünün yarısına bərabərdir, qrip virusu üçün bu müddət 57 ildir. Alim əlavə edib ki, koronavirus infeksiyası artıq mövsümi infeksiyaya çevrilib.