Braziliya Uruqvaya, Argentina Ekvadora rəqib oldu

Amerika Kubokunda qrup mərhələsinə yekun vurulub. “Qafqazinfo” xəbər verir ki, D qrupunda dünən baş tutan görüşlərdən sonra sonuncu 1/4 finalçılar müəyyənləşib.

Günün əsas oyununda Braziliya Kolumbiyanı məğlub edə bilməyib. Bu səbəbdən liderliyi rəqibə bağışlayan “sambaçılar” qrup ikincisi olub. 

Braziliya – Kolumbiya 1:1
Qollar: Rafinya, 12 – D.Munyos, 45+2.

Kosta Rika – Paraqvay 2:1
Qollar: F.Kalvo, 3. J.Alkoser, 7 – R.Sosa, 55.

Xal durumu: Kolumbiya – 7, Braziliya – 5, Kosta Rika – 4, Paraqvay – 0.

Beləliklə, Amerika Kubokunda bütün 1/4 final cütlükləri müəyyənləşib.

Argentina – Ekvador
Venesuela – Kanada
Uruqvay – Braziliya
Kolumbiya – Panama

Turnirin yarımfinalında 1/4 finalın birinci və ikinci cütlüyünün qalibləri, həmçinin üçüncü və dördüncü cütlüklərin qalibləri üz-üzə gələcək.