Belarus Ukrayna ilə sərhəddəki vəziyyəti təhlükəli hesab edir

Belarusun Dövlət Sərhəd Komitəsi Ukrayna ilə sərhəddəki vəziyyəti ölkə üçün təhlükəli adlandırıb.

AZƏRTAC xəbər verir ki, bu barədə Belarus Dövlət Sərhəd Komitəsinin əməliyyat-analitik şöbəsinin rəisi Dmitri Lyubkin bazar ertəsi STV dövlət telekanalının efirində bildirib.

“Hərbi nöqteyi-nəzərdən, əlbəttə ki, bizim üçün ən təhlükəli vəziyyət cənub istiqamətindədir. Niyə? Çünki müharibə şəraitində olan ölkənin - Ukraynanın silahlı bölmələrinin sıxlığı müşahidə olunur. Biz orada kifayət qədər ciddi təxribat xarakterli hərəkətlərin şahidi oluruq. Ukrayna sərhədçiləri qeyri-dost hərəkətləri edirlər: bizim sərhədçilərə atəş açır, təxribat törədirlər”, - deyə o bildirib.