Lukaşenko Zelenskidən üzr istəyib?

Ukrayna Prezidenti Volodimir Zelenski Belarus Prezidenti Aleksandr Lukaşenkonun Rusiyanın Ukrayna ilə müharibəyə başlamasının ilk günlərində Belarus ərazisindən Ukrayna ərazisinə atəş açılmasına görə ondan üzr istədiyini açıqlayıb.

“Qafqazinfo” “RBK Rusiya”ya istinadən xəbər verir ki, Belarus liderinin mətbuat katibi Natalya Eysmont isə bu bəyanatı təkzib edib.

“Belarus Prezidenti Zelenskidən üzr istəməyib. Çünki üzr istəməyimiz üçün heç bir səbəb yoxdur. Hər şeydən əvvəl ona görə ki, Ukrayna hətta Amerika və bütün Qərbi qabaqlayaraq Belarusa qarşı sanksiyaları ilk tətbiq edən ölkə olub”, - deyə o, bildirib.

Eysmont qeyd edib ki, o zaman Zelenski ilə telefon danışığı Lukaşenkonun kiçik oğlu Nikolayın emosional reaksiyası sayəsində baş tutub.