Ərdoğan ortaq Türk əlifbasının yaradılmasını təklif etdi

Ortaq əlifbaya sahib olmaq çox vacibdir. 
Bunu Türkiyə Prezidenti Rəcəb Tayyib Ərdoğan Türk Dövlətləri Təşkilatının (TDT) 10 illik yubiley sammitində çıxışı zamanı deyib.
Türkiyə lideri qeyd edib ki, dil məsələsi birlik üçün çox vacibdir: "Bu məsələdə Prezidentlərin dəstəyi də çox önəmlidir. Burada bizim Ali Təhsil Şurası katibliyə xüsusi tövsiyələr verdi. Ümid edirik ki, onlar qiymətləndiriləcək. Bizim vəzifəmiz birlikdə işləməkdir. Kipr türkləri türk ölkələrinin ayrılmaz hissəsidir. Düşünürük ki, Şimali Kipr Türk Cümhuriyyətini növbəti sammitdə müşahidəçi qismində görəcəyik".
Ərdoğan bildirib ki, müşahidəçi ölkəni - Türkmənistanı üzv kimi görmək istəyir.