Zelenski Britaniyaya gedəcək - KİV

Ukrayna Prezidenti Volodimir Zelenski Vaşinqtonda keçirilən NATO sammitindən sonra Böyük Britaniyaya səfər edə bilər.

“Qafqazinfo” xəbər verir ki, bu barədə məlumatı öz mənbələrinə istinadən “The Guardian” qəzeti yayıb. 

Ukrayna liderinin Avropa Siyasi Birliyinin görüşündə iştirak edəcəyi gözlənilir. Qeyd edilib ki, onun Böyük Britaniyaya səfəri gələn həftə baş tuta bilər. 

Qəzet, həmçinin yazır ki, Zelenski iyulun 13-də ilk dəfə İrlandiyaya səfər edəcək və Baş nazir Saymon Harrislə görüş keçirəcək.