Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
Qadınlar niyə daha çox depressiyaya düşürlər?

Qadınların kişilərə nisbətən niyə daha çox depressiyaya düşdüyü uzun müddət elm üçün sirr olaraq qalsa da, Avstraliyada aparılan yeni araşdırma bu suala aydınlıq gətirib.
“Qafqazinfo”nun məlumatına görə, Berqhofer Tibbi Tədqiqat İnstitutunun alimləri tərəfindən aparılan və “Nature Communications” jurnalında dərc olunan elmi məqalədə bu fərqin genetik səbəblərlə bağlı olduğu bildirilir.
Tədqiqat çərçivəsində depressiyadan əziyyət çəkən 200 min nəfərin DNT-si analiz edilib. Nəticədə məlum olub ki, qadınlarda depressiya ilə əlaqəli təxminən 13 min, kişilərdə isə 7 min genetik göstərici mövcuddur. Bu isə qadınların depressiyaya qarşı daha yüksək genetik meyilliyə sahib olduğunu göstərir.
Alimlər həmçinin qeyd edirlər ki, indiyədək depressiya ilə bağlı elmi araşdırmaların çoxu əsasən kişi pasiyentlər üzərində aparıldığından, mövcud müalicə metodları da daha çox kişilərə uyğun hazırlanıb. Yeni araşdırma isə qadınlarda depressiyanın səbəblərini və əlamətlərini daha dəqiq müəyyənləşdirməyə kömək edir və gələcəkdə fərdi müalicə üsullarının inkişafına təkan verə bilər.
Mütəxəssislərin fikrincə, qadınlarda depressiya tez-tez maddələr mübadiləsinin pozulması, çəkidə artım və enerji çatışmazlığı kimi fiziki simptomlarla müşahidə olunur. Genetik fərqlər bu əlamətlərin yaranmasına da təsir edə bilər.
Ümumdünya Səhiyyə Təşkilatının məlumatına əsasən, dünyada hazırda 300 milyondan çox insan depressiyadan əziyyət çəkir və bu xəstəlik ən çox yayılmış psixi pozuntulardan biridir. Yeni araşdırma isə xüsusilə qadınlar üçün daha effektiv və fərdiləşdirilmiş müalicə imkanlarının yaradılmasına yol aça bilər.























































