Biznes xərclərindən də millər qazandıran “ABB AZAL Miles Business” kartları təqdim olundu
Gələcəyin şəhərlərinə gənclərdən innovativ baxış: “İnsanyönümlü şəhərlər” hakatonu başa çatıb
Azərbaycan Avropanın yaşıl enerji gələcəyinin etibarlı tərəfdaşlarından biri olacaq
Nəvəsinin andiçməsindən sonra meyiti tapılan Mirzəcan kişi ilə bağlı - Yeni detallar
Azərbaycan incəsənəti Çilidə: Santyaqoda Zəfər Gününə həsr olunmuş beynəlxalq sərgi açılıb
ABŞ-nin enerji layihələrinə 200 milyard yatıracaqlar
“Cənubi Koreya ABŞ-nin enerji layihələrinə 200 milyard dollar yatıracaq”.
“Qafqazinfo” xəbər verir ki, bunu ABŞ Prezidenti Donald Tramp Ağ Evdə çıxışı zamanı deyib.
Onun sözlərinə görə, investisiya paketinə Texasda 6 giqavat gücündə elektrik enerjisi istehsalı qurğusunun, 8 yeni irimiqyaslı nüvə elektrik stansiyasının və Alyaskada mayeləşdirilmiş təbii qaz (LNG) boru kəmərinin tikintisi daxildir.
“Amerika tarixində ən böyük enerji infrastrukturu investisiyalarından birini elan etməkdən məmnunuq”, - Tramp deyib.
ABŞ Prezidenti bildirib ki, investisiya paketi ölkənin enerji təchizatı zəncirinin təhlükəsizliyinin gücləndirilməsi, enerji sektorundakı mövqeyinin möhkəmləndirilməsi və Cənubi Koreya ilə əməkdaşlığın genişləndirilməsi baxımından mühüm addımdır.
Tramp Cənubi Koreyanın ticarət razılaşması çərçivəsində ABŞ-yə yüz milyardlarla dollar sərmayə yatırmaq öhdəliyi götürdüyünü, bunun müqabilində isə ölkəyə tətbiq edilən tariflərin azaldıldığını xatırladıb.
Tramp Texasda tikilməsi planlaşdırılan təbii qaz qurğusunun dünyada indiyədək inşa edilmiş ən böyük obyektlərdən biri olacağını bildirib.
Onun sözlərinə görə, ABŞ-də tikilməsi nəzərdə tutulan 8 yeni nüvə reaktoru ölkənin qlobal nüvə enerjisi istehsalındakı mövqeyini daha da gücləndirəcək.























































