Xəbər Lenti
Dün, 08:36
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
20-11-2026, 11:20
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
20-11-2026, 11:02
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
20-11-2026, 09:36
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
20-11-2026, 07:51
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
20-11-2026, 07:18
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
19-11-2026, 12:28
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
Xərçəng yalnız bədəninizi deyil, ruhunuzu da təsir edir - Vacib xəbərdarlıq
Xərçəng diaqnozu insanın həyatında həm fiziki, həm də emosional baxımdan dərin izlər buraxa bilən çətin bir prosesdir. Mütəxəssislər bildirirlər ki, müalicə zamanı yalnız bədən sağlamlığına diqqət yetirmək kifayət deyil; emosional, zehni və ruhsal dəstək də müalicənin ayrılmaz hissəsi olmalıdır.
Qaynarinfo-nun məlumatına görə, psixoloq Beste Çokaygil qeyd edir ki, xərçəng diaqnozu insanın həyatını birdən-birə dəyişdirir və bu hal dərin psixoloji təsirlər yarada bilər. Onun sözlərinə görə, diaqnozdan sonra bir çox insan ilkin mərhələdə şok, inkar və güclü narahatlıq yaşayır.
"Bu, mümkün deyil" və ya "Niyə məhz mən?” kimi fikirlər təbii reaksiyalardır. Bu dövrdə qeyri-müəyyənlik, qorxu və gələcəklə bağlı narahatlıq yuxusuzluq, gərginlik və əsəbilik kimi simptomlara səbəb ola bilər.
Çokaygil bildirir ki, xərçəngin müalicəsi yalnız bədəni deyil, sosial həyatı və psixoloji tarazlığı da təsir altına alır. Enerji itkisi, maraq azalması, özünə qapanma və uzunmüddətli kədər hallarında mütləq peşəkar psixoloji dəstək alınmalıdır, çünki bu, depressiyanın başlanğıcı ola bilər. O, həmçinin qeyd edir ki, xərçəng müalicəsi nəticəsində yaranan bədən dəyişiklikləri insanın özünüqavrayışına təsir göstərə bilər. Xüsusilə saç tökülməsi, çəki itkisi və ya əməliyyat izləri kimi fiziki dəyişikliklər özünə inamı zəiflədə bilər.
"İnsan öz tanıdığı bədəndən uzaqlaşdığını hiss edə bilər. Lakin unutmamaq lazımdır ki, bu hisslər təbii bir prosesin tərkib hissəsidir. Əsas olan bu duyğuları bastırmadan qəbul etmək və ifadə edə bilməkdir", deyə psixoloq vurğulayır.
Mütəxəssislərin fikrincə, xərçənglə mübarizə dövründə ailə, dost çevrəsi və dəstək qrupları ilə ünsiyyətin qorunması, ruhsal sağalma prosesini sürətləndirir. Peşəkar terapiya isə qorxu və gərginliklə mübarizədə, habelə emosional tarazlığın bərpasında mühüm rol oynayır.
Aydın























































